Ditën e sotme partitë aletate të Partisë Demokratike janë mbledhur në një tryezë të përbashkët për të vendosur për hapat e radhës.
Megjithatë kreu i Partisë Republikane, Fatmir Mediu ka bërë një deklaratë të rëndësishme, ku ka thënë se është i bindur se Presidenti Meta do të jetë ai që do t’i jap fund krizës politike.
Edhe aleatët vazhdojnë të mbështesin idenë parësore se zgjidhja e vetme është krijimi i qeverisë tranzitore dhe sigurisht pa kryeministrin Rama në pozicionin e drejtuesit të shtetit.
Sipas Mediut, prishja e unitetit që ka ekzistuar deri më tani, mund ta çojë vendin drejt një konflikti të hapur.
“Deklarata ka shpjeguar qartë se pse presidenti duhet të thërrasë partitë politike. Ne kërkojmë që presidenti, bazuar në kushtet si garantues i unitetit. Besojmë se procesi ku jemi futur po e çon kështu vendin në një konflikt që cenon unitetin e popullit. Ne jemi demokraci kushtetues bazuar në pluralizëm. Ne jemi drejtuar presidentit dhe kemi bindjen se forcat politike do të ulen në tryezë, nëse duan të mbrojnë interesin e vendit.
Ne kemi folur të gjithë së bashku dhe po i drejtohemi presidentit të thërrasë tryezën. Përfaqësuesit e politikës duhet të ulen për të gjetur një zgjidhje”-tha Mediu.
