Pas dëshmisë së pastrueses Rozeta Dobi, ish-zyrtarja e kryeministrisë Alda Klosi ra në prangat e policisë të premen. Ndërkohë që pa kaluar akoma 3 ditë nga arrestimi I saj, Klosi është larguar nga paraburgimi për shkak të gjendjes së rënduar shëndetësore, raporton Ballkan Web.
Theksojmë se pasi iu komunikua arrestimi dhe Alda Klosi u vendos në një nga dhomat e paraburgimit të Drejtorisë së Tiranës që atë natë, por pa u mbushur ende 48 orë nga qëndrimi në paraburgim, sot u njoftua se ish-zyrtarja u shtrua në QSUT për shkak të luhatjeve të tensionit. Më tej, nëse ajo nesër do të vijojë të qëndrojë në burg, pas vendimit të gjykatës, sërish nuk do të shkojë në qeli, por do të shtrohet në spitalin e burgut.
Grabitja në banesën e ish-zyrtares së Kryeministrisë Alda Klosit, mori përmasa të mëdha , për shkak të shumës së lartë të parave për të cilën bëhej fjalë. Ishin, Rozeta dhe Havier Dobin, nënë e bir të akuzuar për vjedhjen e sasive të mëdha të parave në banesën e ish zyrtares, Klosi, prej më shumë se 120 mijë eurove, por pas një kontrolli të dytë në banesën e Rozeta Dobit e cila prej vitesh punonte si pastruese u zbuluan 404 mijë euro të tjera, duke shkaktuar një valë reagimesh.
