Kryeministri i Kosovës, Albin Kurti me anë të një deklarate për mediat ka kërkuar shtyrjen e zgjedhjeve lokale në vend. Kurti thotë se zgjedhjet lokale nuk janë aq të rëndësishme sa zgjedhjet qendrore dhe ka theksuar se fokusimi te përmirësimi i situatës me pandeminë është më i rëndësishëm dhe nuk duhet të ndalet.
Ndër të tjera Kurti ka shtuar se do të pajtohet me të çdo zgjidhej që do të ofrohet për këto zgjedhje, por theksin e ka vënë tek dëgjimi i ekspertëve të shëndetësisë. Sjellim në vëmendje se Kosova ka planifikuar të mbajë zgjedhje më 17 tetor të 2021, por javët e fundit është përfolur për një shtyrje të zgjedhjeve, për shkak edhe ët situatës aspak të mirë me pandeminë e COVID-19.
“Jemi në vëzhgim të situatës me pandemi në mënyrë që ky përmirësim mos të ndalet dhe në mënyrë që të mos kemi valë të re pasi versioni delta është ekskluziv në muajt tetor e dhjetor. Ne jemi për shtyrjen e zgjedhjeve. Sidoqoftë ne nuk e imponojmë qëndrimin tonë dhe do të pajtohemi me cilindo zgjidhje. Nuk janë zgjedhjet lokale sikur ato qendrore. Nuk votohet njëjtë për kandidatë dhe ka edhe balotazh e nuk votohet vetëm në një raund. Kërkojmë të dëgjohet mendimi i ekspertëve shëndetësorë. Ne kemi shprehur qëndrimin si subjekt dhe duhet të presim që të përfundojë takimi konsultativ”, ka thënë Kurti.
