Këngëtarja me origjinë kosovare, Dua Lipa arriti sukesein e radhës duke fituar çmimin Grammy për albumin më të mirë pop. Ky sukses i merituar, nuk ka kaluar pa u vënë re as nga politikanët në Kosovë, që nuk kanë harruar ta urojnë yllin ndërkombëtar. Albin Kurti dhe Vjosa Osmani kanë dërguar urimet për Duan, duke e quajtur atë një frymëzim.
“E përgëzoj Dua Lipën për fitimin e Grammy për Best Pop Vocal Album. Me punën e saj, talentin e saj dhe shpirtin e saj ajo ka mahnitur botën dhe është lëvduar nga kombi i saj. Ajo është një frymëzim për të rinjtë tanë dhe një ambasadore për vendin tonë”, ka shkruar Kurti.
Presidentja në detyrë e Kosovës, Vjosa Osmani ka thënë se Dua nuk është frymëzim vetëm për vajzat dhe gratë në Kosovë, por edhe në të gjithë botën.
“Urime për yllin tonë Dua Lipa në ‘Grammy-n’ e saj për albumin më të mirë në zhanrin pop. Ju nuk jeni vetëm një frymëzim për vajzat dhe gratë në Kosovë, por edhe në të gjithë botën. Ti po na bën çdo ditë e më shumë krenarë. Vazhdo të shkëlqesh”, ka shkruar Osmani.
Ky ishte çmimi i katërt Grammy për Dua Lipën, ndërsa ylli i popit elektrizoi skenën me performancën e këngëve të saj “Don’t start now” dhe “Leviatating”
