Kandidatja e Partisë Demokratike, Albana Vokshi ka denoncuar shkeljen e Kodit Zgjedhor nga ministrja e Shëndetësisë, Ogerta Manastirliu.
Vokshi ka thënë se Manastirliu ngriti një zyrë të re elektorale pranë qendrave të votimit te Servete Maçi. Sipas Vokshit, KQZ ka heshtur prej dy javësh edhe për shkelje të tjera.
“Ogerta Manastirliu ka ngritur një zyrë të re elektorale pranë qendrave të votimit tek Servete Maçi. KQZ heshti prej dy javësh edhe për shkelje të tjera”, ka thënë Vokshi.
Ditën e sotme Partia Demokartike ka denoncuar shkelje të tjera për procesin elektoral dhe blerjen e votave. Derga në Vlorë e PD denoncoi se fermerëve po u shpërndaheshin tollona nafte në këmbim të votës. Po ashtu në Sarandë u denoncua se po ljepeshin leje legalizimi për t’u marrë votat qytetarëve.
Më herët gjatë kësaj jave kanë ndodhur ngjarje të rënda siç ishte vrasja e Pjerin Xhuvanit në Elbasan, pasi grupi i ngritur nga Partia Demokratike, i quajtur Struktura për Mbrojtjen e Votës ndaloi një makinë për të cilën thanë se po shpërndante para në këmbim të votave. Po ashtu një makinë u ndalua në Maqellarë të Dibrës nga kandidati demokrat Xhelal Mziu dhe mbështetës të PD, në të cilën u gjetën para të cilat pretendoheshin se po përdoreshin për të blerë votat.
