Ditën e sotme Kryetarja e Komisionit Zgjedhor në PD, Albana Vokshi, në një komunikim me mediat zbuloi si ka shkuar deri tani procesi për zgjedhjen e kreut të ri të kësaj force politike, ku garojnë Sali Berisha dhe Ibsen Elezi.
Vokshi tha se në të gjitha qendrat e votimit ka pasur një pjesëmarrje të kënaqshme, ndërsa e pyetur për numrin e saktë të anëtarëve të PD-së, nuk dha një shifër konkrete.
Sipas saj, procesi është referuar te një listë e 2019-tës, por që janë lejuar të votojnë edhe anëtarë me karta të vjetra, që mund të kenë qenë pre e përjashtimeve.
Albana Vokshi: Janë 108 qendra të hapura në të gjithë vendin, po vijon normalisht në të gjithë vendin, ka një interes të lartë, por menaxhimi i fluksit ka qenë më i mirë. Do të doja të informoja publikun për pjesëmarrjen, deri tani në të gjithë vendin kanë votuar më shumë se 14 mijë persona.
Ne ju kemi bërë me dije se lista që ne kemi punuar është ajo e 2019, akush nuk e di sa është numri real i anëtarëve në PD, pasi në referendumin e dhjetorit dhe në primare, janë paraqitur anëtarë të PD që kanë votuar me karta. Sot kemi vënë në dispozicion listën e 2019 së bashku me shtesit.
