Një alarm për bombë ka vënë në lëvizjen policinë në Capitol Hill në SHBA. Reagimi i policisë ka qenë i menjëhershëm duke rrethuar kamionin e dyshimtë brenda të cilit ndodhej edhe autori i cili dyshuar. Policia arriti ta vinte situatën nën kontroll pas disa orëve negociata me personin që kërcënonte se do të shpërthente një bombë pranë Capitol.
Shefi i Policisë së Kapitolit J Thomas Manger identifikoi të dyshuarin si Floyd Roy Roseberry nga Karolina e Veriut dhe tha se ai u mor në paraburgim pas incidente. Manger tha se policia komunikoi me të dyshuarin duke përdorur një dërrasë të bardhë pasi ai refuzoi të përdorte një telefon. Përfundimisht, ai u dorëzua.
“Ai doli nga automjeti dhe u dorëzua, dhe policia që ndodhej aty e mori atë në paraburgim pa incidente,” tha shefi i policisë. Po ashtu ai nuk konfirmoi nëse Roseberry kishte vërtet sasi eksploziv, duke thënë se hetimi është ende në vazhdim. “Ne e dimë se z. Roseberry ka pasur disa humbje të familjes … Nëna e tij kohët e fundit ndërroi jetë, dhe ne folëm me anëtarët e familjes së tij, dhe kishte çështje të tjera me të cilat ai po merrej,” u tha Manger gazetarëve.
Kujtojmë se më herët shefi i policisë doli disa herë dhe informoi se policia po negocionte me të dyshuarin i cili pretendonte se kishte një bombë në kamionin e tij pranë bibliotekës së Kongresit.
