Alarmi nga roja i Prokurorisë së Pogradecit që në dy automjete kishte dyshime të ishte vendosur tritol, ngriti në këmbë policinë. Makinat rezultojnë të jenë në emër të Eris Çekanit, një personazhi të njohur për drejtësisnë. Pasi u rrethua zona dhe u ushtruan kontrolle të imtësishme në automjetet e parkuara që jepeshin me qira, ekspertët zbuluan 2 pajisje GPS-së. Në orët e para të mëngjesit një person ende i paidentifikuar është konstatuar nga roja i Prokurorisë duke vendosur diçka të dyshimtë poshtë auitomjeteve, dhe njoftoi mënjëherë policinë. Kjo e fundit, ka sekuestruar kamerat e sigurisë në zonë për të identifikuar autorin. Nga ana tjetër, pritet marrja në pyetje e pronarit të mjeteve Eris Çekani, rreth dyshimeve që mund të ketë apo konflikteve të mundshme. Por teksa të riun nga Pogradeci dikush vendosi ta gjurmonte, ka dyshime që ngjarjet ku është përfshirë më parë e përndjekin. Kohët e fundit rezulton se ai është konfliktuar disa herë me shtetasin Brian Syzo. Ngjarja e fundit ndodhi në Elbasan, teksa Çekani është ndjekur e përplasur nga një makinë tip Golf, ku brenda saj kanë qenë Sindi Syzo, Brian Syzo dhe Mario Xhangolli. Ata kanë përplasur dy mjetet me të cilat udhëtonin, moment në të cilin ka ndërhyrë Policia. Blutë vendosën në pranga Eris Çekani dhe Gledis Dikellari 23-vjeç, të dy banues në Pogradec, e ndërsa 3 personat e tjerë janë larguar nga vend i ngjarjes me një makinë tjetër. Kjo është një nga pistat kryesore që po heton policia, megjithatë hetimet vijojnë për ngjarjen e sotme.
Grabitje spektakolare në Luvër: Vidhen bizhuteritë e Napoleon Bonapartit, dëshmitarët: “Si në filmin Kodi i Da Vinçit”
Një grabitje e bujshme në Muzeun e Luvrit ka tronditur Parisin dhe ka detyruar mbylljen e menjëhershme të institucionit më...
