Departamenti i Mbrojtjes Civile në Itali ka lëshuar një paralajmërim të ri për kushtet e motit. Alarmi i kuq është dhënë në Friuli Venezia Giulia dhe Bolzanos. Italia pritet që të përfshihet nga moti i keq këtë të dielë. Siç raportojnë mediat itaaliane, vendi fqinj pritet që të mbulohet nga shiu, bora dhe stuhi të forta.
Nga mbrëmja pritet që të nisin reshjet e dendura të shiut, si dhe stuhitë në Toskana, Liguria, Lombardia, Veneto, Provincat Autonome të Trentos dhe Bolzano dhe Friuli Venezia Giulia. Reshjet e shiut do të zëvendësohen nga ato të borës në lartësitë 800-1000 metra. Njoftohet po ashtu se kryesisht priten reshje të shumta shiu, shtrëngata dhe erëra të forta.
Nga moti i keq do të përfshihet edhe vendi ynë duke nisur nga e hëna. Java pritet të karakterizohet nga reshje të dendura shiu në pjesën jug-perëndimore të vendit.
Reshjet do të jenë të dendura gjatë natës kryesisht në trekëndëshin Vlorë-Gjirokastër-Fier ku sasia pritet të jetë 10, madje deri në 20 milimetra shi në orë në zona të caktuara.
/GazetaReforma.com/
