Gjykata e Apelit ka lënë në qeli Skënder Vathin, i akuzuar si organizator në vrasjen e Behar Sofisë. Skënder Vathi kishte kërkuar ndryshim të masës së sigurisë nga “arrest me burg” në një masë më të lehtë, por Apeli e refuzoi kërkesën e tij. Vathi nuk e pranoi në asnjë moment akuzën e ngritur nga prokuroria. Ndërkohë tre të dyshuarit e tjerë Leonard Xhixha, Xhuliano Visha dhe Ernejt Shyti nuk kanë bëre ankim të masë së sigurisë.
Ndërkaq, tre të dyshuarit e tjerë Leonard Xhixha, Xhuliano Visha dhe Ernejt Shyti nuk kanë bëre ankim për ndryshim të masës së sigurisë. Nuk është vendosur ende nëse dosja do të kalojë për hetime të mëtejshme në SPAK. Personi që dyshohet se ka qëlluar për vdekje biznesmenin Behar Sofia është 24-vjeçari Ernejt Shyti. Ndërkaq, Skënder Vathi konsiderohet si organizator i këtij krimi të rëndë, dhe dyshohet se e kishte shoqëruar disa herë Ernejt Shytin me qëllim që ta njihte nga afër viktimën.
24-vjeçari Shyti ka rrëfyer para grupit të hetimit se si ka ndodhur vrasja e Sofias në 25 shkurt. Deri më tani burime nga prokuroria e kryeqytetit thonë qe nuk ka persona të tjerë të shpallur në kërkim për këtë ngjarje. Ndërkohë akoma nuk është vendosur nëse dosja do të kalojë për hetime të mëtejshme në SPAK. Behar Sofia u vra në 25 shkurt, pranë piramidës.
