Flamur Beqiri është shqiptari i cili u vra dy vite më parë në jug-perëndim të Londrës, konkretisht në Battersea. Për ngjarjen autoritet angleze kanë arrestuar shumë të dyshuar, ndërsa i prangosuri i fundit që akuzohet se ekzekutoi shqiptarin, ka deklaruar se kushëriri i tij suedez, shefi i krimit i kishte thënë të udhëtonte për në Londër, ndërsa thekson se nuk kishte asnjë ide për vrasje.
Kujtojmë se shqiptari u qëllua për vdekje para gruas dhe djalit dy vjeçar në pragun e shtëpisë së tij në jugperëndim të Londrës. Sipas gjykatës atje, është arritur në përfundimin se kjo vrasje ishte organizuar nga bosi suedez i krimit Ahmed Karaer, i cili që atëherë është zhdukur. Ndërkohë sipas “Daily Mail” shkak i tragjedisë është bërë një sherr mes grupeve rivale suedeze të krimit të organizuar. Kujtojmë se shqiptari Beqiri u qëllua me 10 plumba, 8 nga të cilët e lanë të vdekur në vend.
Bëhet e ditur se personi që ka qëlluar mbi Beqirin ka qenë në pritje për rreth dy orë të tëra. Sulmuesi i dyshuar i armatosur Anis Fouad Hemissi, 24 vjeç, së bashku me bashkatdhetarët e tij suedezë, Bawer Karaer, 23, Tobias Andersson, 32, Estevan Munizaga, 35 vjeç, mohojnë vrasjen e babait të dy fëmijëve më 24 dhjetor 2019. Claude Isaac-Castor, 22 vjeç dhe Clifford Rollox, 31 vjeç, mohojnë se kanë penguar drejtësinë në zbardhjen e ngjarjes midis 24 dhe 28 dhjetor 2019. Duke dhënë dëshmi sot, Bawer Karaer tha më 23 dhjetor 2019 se kushëriri i tij Ahmed i kishte thënë papritur të udhëtonte për në Londër në të njëjtën ditë.
