Një 37-vjeçar është arrestuar në Tepelenë gjatë operacionit “The Wanted”. Në pranga ra Albion Kalemi.
Gjatë vitit 2024, ndaj tij janë lëshuar dy urdhërarrestime nga Gjykata Themelore e Pejës: një për kultivim të bimëve narkotike dhe tjetri për kultivim të bimëve narkotike dhe armëmbajtje pa leje.
Interpoli në Tiranë po punon ngushtë me autoritetet e Kosovës për të përmbyllur procesin e ekstradimit të Kalemit drejt Kosovës.
NJOFTIMI I POLICISË:
Policia e Shtetit/Finalizohet një tjetër fazë e operacionit ndërkombëtar, të koduar “The Wanted”.
Kjo fazë, rezultat i punës së përbashkët të FAST Albanias, DVP Gjirokastër dhe FAST Kosovës në koordinim nga rrjeti ENFAST.
Me 2 urdhër arreste nga Gjykata e Pejës, për kultivim të bimëve narkotike dhe për armëmbajtje pa leje, kapet me qëllim ekstradimin, 37-vjeçari.
Si rezultat i koordinimit të informacioneve dhe veprimeve operacionale, nga rrjeti ENFAST, ndërmjet homologëve në njësisë FAST, në Shqipëri dhe në Kosovë, u kap në Tepelenë në vijim të operacionit “The Wanted”, shtetasi shqiptar, i shpallur në kërkim ndërkombëtar, për llogari të Kosovës, A. K., 37 vjeç, i lindur në Tepelenë.
Gjatë vitit 2024, Gjykata Themelore e Pejës ka lëshuar 2 urdhër arreste për këtë shtetas. Konkretisht njërin për kultivim të bimëve narkotike dhe tjetrin për kultivim të bimëve narkotike dhe për armëmbajtje pa leje.
Interpol Tirana po bashkëpunon me agjencitë ligjzbatuese në Kosovë, për të finalizuar procedurën për ekstradimin e shtetasit A. K., në Kosovë.
