Gjykimi për kryebashkiakun e Rrogozhinës Edison Memolla në Gjykatën e Posaçme ka nisur ditën e sotme. Memolla akuzohet për korrupsion zgjedhor në zgjedhjet e fundit lokale. Ndërkohë që në seancën e parë ditën e sotme, është pranuar nga trupi i GKKO-së kërkesa e tij për gjykim të zakonshëm.
“Isha për të dhënë dëshminë time në lidhje me procesin ndaj meje. Unë kam qenë i gatshëm gjithmonë dhe shpresoj se drejtësia të nxjerrë të vërtetën në lidhje me akuzat dhe të më shpallë të pafajshëm”, tha Memolla.
Prokuroria ka përfunduar hetimet dhe ka dërguar për gjykim dosjen në ngarkim të të pandehurve: Edison Memolla me detyrë Kryetar i Bashkisë Rrogozhinë, Ndriçim Tafxhafa, Blerim Xhamani dhe Isuf Tosku. Edison Memolla është marrë i pandehur për “korrupsion në zgjdhje” dhe konkretisht bëhet fjalë për zgjedhjet e pjesshme të vitit 2022 në Bashkinë e Rrogozhinës në lidhje me një material audio.
