Gjykata e Lezhës ka dhënë sot masën e sigurisë, për dy personat e arrestuar, për zjarrvënien në malin e Shëngjinit.
Organi i drejtësisë vendosi “detyrim paraqitje” për 24-vjeçarin Ardit Ujka dhe 34-vjeçarin Milton Ivanaj.
Mësohet se këta të fundit nuk i kanë pranuar akuzat e ngritura ndaj tyre, shkruan “CNA”.
Ujka dhe Ivanaj pretendojnë se janë banorë të malit të Rrenzit dhe nuk kanë lidhje me ngjarjen.
Dy të rinjtë aktualisht akuzohen nga policia për zjarrvënie të qëllimshme, për hapje kullotash për bagëtitë.
Zjarri ndërkohë, i ndihmuar edhe nga era doli nga kontrolli dhe vuri në rrezik shtëpitë.
Gjithashtu shumë pushues në Shëngjin të alarmuar, braktisën plazhin.
Zjarrfikësit mundën ta vinin zjarrin në kontroll vetëm pas dy ditësh.
