Debate të forta ka pasur sot në kuvend mes kryeministrit Edi Rama dhe Sali Berishës.
E gjitha ka nisur kur Berisha mori fjalën dhe tha se bashkëshortja e kryeministrit është aksionere në një bankë në vend, por Rama nuk u përmbajt dhe fyeu rëndë Berishën duke thenë se gruas dhe familjes së tij i ha ato që nuk thuhen.
Replikat:
Berisha: “Na thuaj pak Madam Basha ka aksione në bankën offshore. E dyta na thuaj pak si shkove dhe u ktheve me bisht në shalë në Berlin dhe s’të dhanë asnjë takim. E treta, unë u largova nga aktiviteti dhe kam refuzuar çdo lloj ftese. Unë përfaqësoj zgjedhësit në këtë parlament. Kam marrë përtej oqeanit ftesa nga shumë njerëz. Unë i kam ndërprerë udhëtimet zyrtare. Nuk jam person që përfaqësoj një forcë politike, por përfaqësoj veten time. Unë marr ftesa, por nuk udhëtoj për qëllime zyrtare. Unë udhëtoj kur të më teket. Me SHBA-në kam arritur aty ku ti nuk arrin dot kurrë.”
Rama: “The që nuk del jashtë shtetit, por ti shkon në Bundestag dhe nuk lë llaf të keq pa thënë për shtetin. Unë të pyeta, ti me dash e kalon dot oqeanin apo jo? Kam pas një shok si ty unë që nga bankat fliste si trim i madh. Unë mendoj se nderi i vendit e do që unë të jem i dëshiruar që ti ta kalosh oqeanin nëse do. Bëre mirë që u përgjigje ashtu, por ki kujdes sepse e mbylle fjalën me një çështje që s’kishte lidhje fare me pyetjen time dhe me shqetësimin tënd. The që unë i kam hyrë një loje të rrezikshme. Është Luli që ka paguar para për një foto me Trump. Po ta përsëris ti je njeri që je marrë me gratë dhe me mbesat. Ti je njeri që s’ke kanun dhe moral. Por ti gruas time i ha ato që nuk thuhen.”
Berisha: “Ti je fundërrinë që u merr shokëve gratë. Ti shet cdo moral mor horr. Ti je njeri që mohon djalin tënd. Ti je fundërrinë njerëzore. Njeriu që mohon djalin tënd, që ke akuzuar babën për përdhunues, incest, fundërrinë njerëzore.”
