Gjykata e Lartë ka marrë vendimin për të mos pranuar rekursin e Luan Dacit dhe ka lënë në fuqi dënimin ndaj tij për falsifikim dokumentesh. Vendimi mësohet të jetë marrë sot në dhomë këshillimi, ndërsa tashmë Kolegji i Posaçëm i Apelimit duhet të nisë procedurat për largimin e tij si anëtar i këtij institucioni.
Apeli i Gjykatës së Posaçmë Kundër Korrupsionit dhe Krimit të Organizuar e kishte dënuar Dacin me gjashtë muaj heqje lirie, ndërkohë Komisioni i Posaçëm i Apelimit e pezulloi nga detyra pak muaj më parë, pasi u mor i pandehur për falsifikim të dokumenteve.
E gjitha nisi kur ish-prokurorja Antoneta Sevdari e akuzoi Luan Dacin për mashtrim të institucioneve shqiptare, akuza që edhe nga SPAK u provuan. Prokuroria e Posaçme doli në përfundimin se Daci nuk u largua nga sistemi, po u shkarkua për paaftësi në punë në vitin 1997.
Ndërkohë, sipas SPAK, Daci kishte paraqitur të dhëna të rreme, në vitin 2017 kur kishte aplikuar për të qenë në përbërje të turpës së KLP-së.
Daci nuk tregoi se në vitin 1997 ishte shkarkuar nga detyra, por nga ana tjetër ka deklaruar në kohën që tentoi dhe arriti të bëhej anëtar i KPA-së, se është larguar duke dhënë dorëheqjen, arsye për të cilën është cilësuar fajtor.
