Partia Demokratike nëpërmjet një shkrese drejtuar Prokurorisë, ka kërkuar verifikimin e të kaluarës së kryebashkiakut të Mallakastrës, Qerim Isamilaj.
Sipas sekretarit të përgjithshëm të PD, Gazment Bardhit, Ismailaj ka qenë i dënuar në Greqi dhe ka gënjyer në formularin e dekriminalizimit.
I menjëhershëm ka qenë reagimi nga kryebashkiaku i Mallakastrës.
Ky i fundit në një deklaratë për mediat ka thënë, se është i hapur për çdo verifikim.
Më tej ai hodhi poshtë akuzat për dënim dhe dëbim nga shteti grek.
“Nuk kam asnjë lloj dijenie. Jam i hapur për çdo lloj verifikimi të mundshëm. Unë punoj si kryetar, kam dorëzuar formularin e dekriminializimit. Nuk jam ndaluar nga policia greke, në asnjë rast”, deklaroi Ismailaj.
Në lidhje me vizitën e tij në Greqi, dy javë më parë, Ismailaj sqaroi se kishte shkuar tek e motra për arsye familjare.
Ndërkohë gjatë ditës së sotme, kryebashkiaku ishte tek familja e 51-vjeçares, Drita Saliaj, e cila u vra nga nipi i bashkëshortit.
