Akuzat kundër Thaçit dhe Veselit, Rama: Drejtësi selektive! 21 vite asnjë serb s’u hetua për krime lufte, vetëm shqiptarët e Kosovës
Një ditë pas ngritjes së aktakuzës për presidentin e Kosovës Hashim Thaçi dhe ish-kreun e Kuvendit, Kadri Veseli, kryeministri Edi Rama është shprehur nga foltorja e Kuvendit se me këtë aktakuzë nuk u u godit Thaçi e Veseli thjesht si individë, për Kosova e mbarë shqiptaria.
Rama u shpreh se është bërë drejtësi selektive , eksperimemtale ndërkombëtare ndaj të gjitha akuzave të ngritura ndaj Thaçit e Kadri Veselit.
Kryeministri Rama shtoi se për dy dekada me radhë, drejtësia në Kosovë ka qenë në kontrollin e ndërkombëtarëve, ndërsa nga ana tjetër, ai u shpreh se asnjë shtetas serb nuk është hetuar për krimet e luftës në Kosovë.
Me vendimin për ngritjen e aktakuzave kundër Hashim Thaçit dhe Kadri Veselit, Edi Rama tha se u përmbys peshorja mes viktimës që ishin shqiptarët e Kosovës dhe xhelatit të luftës, që ishte Serbia.
Kjo e fundit, siç u shpreh edhe vetë Rama nuk kishte viktima dhe se Beogradin e Bombardoi bota demokratike, jo Thaçi me Veselin.
Kujtojmë këtu se ditën e djeshme, Presidenti i Kosovës, Hashim Thaçi dhe kreu i PDK-së, Kadri Veseli
janë paditur penalisht nga Prokuroria pasi akuzohen për një sërë krimesh lufte, përndjekje e tortura.
Në njoftimin për media thuhet se Thaçi dhe Veseli dyshohen për 100 vrasje, mes të cilave, viktima të identifikuara shqiptarë, serbë dhe romë të Kosovës dhe kundërshtarë politikë.
“Kjo akuzë është një një padi penale e cila është rezultat i një hetimi të gjatë dhe dëshmon vendosmërinë e ZPS-së se mund t’i provojë të gjitha akuzat jashtë dyshimit të arsyeshëm”, thuhet në njoftim.
