Ministria e Punëve të Brendshme të Republikës së Kosovës, ka deklaruar sot se zëvendësministri i Brendshëm, Zafir Berisha është kërcënuar.
“Ministria e Punëve të Brendshme mund të konfirmojë se zëvendësministri i MPB-së që është kërcënuar dhe ka hapur rast në polici, është Zafir Berisha”, thuhet në njoftimin e MPB-së.
Kujtojmë se pak kohë më parë, kur zëvendësministri i Brendshëm Zafir Berisha ishte emëruar edhe Koordinator për Siguri Kibernetike, atij iu hakerua llogaria në Facebook, ndërsa Berisha akuzoi se pas këtij sulmi në llogarinë e tij, qëndronte qendra e spiunazhit rus në Nish të Serbisë.
“Kjo nuk do të bënte ndonjë lajmë sikurse mos të përputheshin të dhënat tjera për të cilat ka një kohë të gjatë që shkruaj, “se dikush me mision dhe i paguar, e disa pa vetëdije po i shërbejnë propagandës serbo- ruse me qendrën e spiunazhit rus në Nish të Serbisë”, deklaroi Zafir Berisha atëherë./GazetaReforma.com/
