Pas deklaratës së djeshme të Berlinit zyrtar për “djegien e mandateve” nga deputetët e opozitës shqiptare, ka reaguar Ministria gjermane e Punëve të Jashtme.
Ministria e Jashtme gjermane thekson në një deklaratë tjetër të premten për “Deutsche Welle”, se akuzat për zgjedhjet duhet të trajtohen nga drejtësia dhe parlamenti.
Përgjigja e Ministrisë së Punëve të Jashtme është si më poshtë:
“Akuzat që kanë të bëjnë me mbarëvajtjen e zgjedhjeve të mëparshme duhet të trajtohen dhe të gjykohen nga organet e drejtësisë dhe parlamenti. E drejta për të demonstruar është një element i rëndësishëm i Kushtetutës demokratike. Megjithatë, dhuna, siç e pamë të shtunën e kaluar, është e papranueshme. Ne u bëjmë thirrje të gjitha palëve të përfshira që të ndihmojnë që protestat e mëtejshme të jenë paqësore”.
