Para pak ditësh deputeti i Partisë Socialiste, Petro Koçi denoncoi Kadastrën në Fier si një institucion të korruptuar dhe që nuk iu shërben qytetarëve. Pas akuzës, ka reaguar drejtori i Kadastrës në Fier Bledar Karaj. Ky i fundit ka deklaruar jashtë kamerave se nuk ka koment për denoncimin e Koçit. Deputeti i PS-së në qarkun e Fierit ka vijuar denoncimet në lidhje me institucionet lokale të këtij qyteti, që sipas tij janë të korruptuara dhe ‘armike me moralin e qeverisjes së PS’.
Denoncime të ngjashme Koçi kishte bërë dhe në verën që lamë pas, ku sipas tij në Fier, disa tendera publikë ishin fituar nga persona me rekorde kriminale. “Nuk kam asnjë reagim, as zyrtar, as për mediat, unë vazhdoj punën normalisht me çdo qytetar që vjen”, është shprehur Karaj. Për akuzat në fjalë, Koçi dha deklaratën e tij në SPAK, por derimë tani nuk ka indicie që hetimet të kenë përfunduar për persona të caktuar në administratën publike të qytetit të Fierit.
Petro Koçi:
Kadastra e Fierit po kthehet nga muze i korrupsionit dhe pisllekut edhe ne nje atraksion per shushunja gjakthithese te reja e te vjetra.
Nje koniukture ndervepruese, armike me moralin e qeverisjes se PS dhe te fitores se 25 Prillit.
Jazek!
