Ish presidenti i Koresë së Jugut Lee Myung-Bak, është dënuar në moshën 78-vjeçare, me 17 vite burg.
Mbi të rëndonin akuzat për rryshfet dhe korrupsion. Lee kishte dalë me kusht në në pritje të vendimit sepse kishte apeluar më herët vendimin e Gjykatës së Apelit, por Gjykata e Lartë e vendit, mbështeti pretencën për dënimin e tij me 17-vjet burg për rryshfet.
Kujtojmë se konservatori Lee Myung-Bak, shërbeu si president nga viti 2008 deri në vitin 2013.
Mediat ndërkombëtare shkruajnë se vendimi i Gjykatës së Lartë nuk i nënshtrohet apelit të mëtejshëm dhe tashmë në moshën 78-vjeçare, me një dënim 17 vite, ish-presidenti Lee ka të ngjarë të vdesë në burg nëse nuk merr faljen presidenciale.
Të katër ish-presidentët të Koresë së Jugut janë ose prapa hekurave ose kanë vuajtur dënime me burg, shpesh si rezultat i hetimeve të filluara nga pasardhësit e tyre, të cilët janë rivalë politikë.
Lee u dënua për herë të parë për përvetësim dhe pranim të ryshfetit në fund të vitit 2018 dhe u burgos. Gjykata e Apelit më vonë e rriti dënimin e tij në 17 vjet, por i dha atij mundësinë të bënte rekurs në Gjykatën e Lartë./GazetaReforma.com/
