Kryetari i Kuvendit të Kosovës, Glauk Konjufca, është shpallur i pafajshëm në lidhje me akuzën për përdorim të armës ose mjetit të rrezikshëm në lidhje me ngjarjen e hedhjes së gazit lotsjellës në mbledhjen e Kryesisë së Kuvendit më 18 gusht të vitit 2016.
Kryetarja e trupit gjykues, Edita Çanta, ka konstatuar se gjatë procesit gjyqësor nuk ka prova që dëshmojnë se Konjufca kishte kryer veprën penale për të cilën ishte akuzuar nga Prokuroria Themelore në Prishtinë.
Në fjalën përfundimtare më 23 shkurt, prokurori i rastit, Besart Mustafa, kishte kërkuar dënimin e kryetarit të Kuvendit të Kosovës, Glauk Konjufca, për veprën penale “Përdorimi i armës apo mjetit të rrezikshëm” në lidhje me rastin e hedhjes së gazit lotsjellës.
