Një tjetër betejë ligjore është fituar nga bamorët e fshatit Lumas kundër bashkisë Kuçovë dhe Ministrisë së Turizmit dhe Mjedisit.
Në seancën e radhës në Gjykatën Administrative të Shkallës së parë në Vlorë, palët janë njohur me akt-ekspertimin teknik të inxhinierëve. Akt-ekspertimi ka qenë totalisht në favor të banorëve.
Dy inxhinieret, Silva Meçaj dhe Luljana Vllamasi, pasi kryen inspektimet në zonë tre javë më parë, dorëzuan në gjykatë akt-ekspertimin Teknik. Në të konfirmohen akuzat që banorët e Lumasit kanë ngritur prej kohësh. Në akt-ekspertim hidhen poshtë pretendimet e bashkisë Kuçovë s ai përket nevojave të fshatrave të Lumasir për ujë të pijshëm. Edhe njëherë konfirmohet ajo që është thënë me ngulm nga banorët e Lumasit, se janë 4 ujësjellës që furnizojnë fshatrat me ujë.
Në akt-ekspertim konfirmohet se ndërtimet e kryera dhe ato të parashikuara prekin Zonën Buferike dhe atë të mbrojtur të Kanionit të Sinecit. Të katërta objektet që po ndërtohen nga firma “Salillari” rezultojnë Brenda Poligonit Monument Kulture (Kanioni i Sinecit) dhe brenda Zonës Buferike të Kanionit të Sinecit. Më tej përcaktohet se edhe bazamenti ku tubacioni i ujësjellësit do të shtrihet, ka prekur zonën e mbrojtur të Kanionit të Sinecit.
Në akt-ekspertimin teknik përcaktohet se edhe bazamenti ku do të kanë marrë përgjigje në këtë akt-ekspertim teknik. Pas inspektimit të fshatrat Lumas, Pëllumbas, Bardhaj, Shegjëz e Vodëz kanë rrjete dhe burime publike (puse nëntokësore) të furnizimit me ujë dhe vetëm dy fshtrat Krekëz e Koritës, me 14 familje në total nuk kanë furnizim publik me ujë të pijshëm. Kështu ka marrë përgjigje dhe pretendimi i bashkisë së Kuçovës se fshatrat kishin mungesë në furnizimin me ujë të pijshëm.
Akt-eskpertimi Teknik del në përfundimin se fshati Lumas, nëpërmjet rrjetit publik (dy puseve buzë lumit) dhe nëpërmjet ujësjellësit që merr ujë nga burimi i Sinecit, garanton ujë të pijshëm për fshatrat Lumas Qendër dhe Lumas 1. Ndërkohë, fshati Pëllumbas furnizohet me ujë nga rrjeti public, me burim në një pus të hapur pranë lumit që kalon në fshat, ndërsa uji pompohet në rezervuarin që është në Pëllumbasin e Sipërm. Fshati Bardhaj merr ujë nga rrjeti public e po ashtu një pus i hapur pranë lumit dhe uji pompohet në rezervuarin në pjesën e sipërme të fhstit. Gjithashtu fashti Vodëz furnizohet me ujë nga një pus i çpuar pranë lumit që përshkon fshatin, dhe uji popmuohet në rezervuarin në pjesën e sipërme të fshatit.
Tashmë, pasi u dorëzua akt-ekspertimi, Gjykata Administrative e Vlorës pritet të japë vendimin më 1 tetor. Banorët e Lumasit kanë paditur bashkinë e Kuçovës për “dhënie të paligjshme të lejes së ndërtimit në zonën e mbrojtur të Sinecit”. Si palë e tretë është paditur edhe Ministria e Turizmit dhe Mjedisit.
