Kreu i PL, Ilir Meta i pyetur nga gazetarët gjatë një konference këtë të martë nëse do të mbështesë aksionin opozitar të ndërmarrë nga deputetët e PD, deklaroi se është plotësisht krah tyre. Meta argumenton se shkaktare e krizës aktuale në Kuvend është mazhoranca, jo opozita. Sipas kreut të PL, mazhoranca nuk mund të emërojë anëtarët e komisionit të reformës zgjedhore.
Meta: Së pari, ju e keni parë se përgjegjëse e kësaj krize e bllokimit pothuajse total të Kuvendit si një institucion demokratik është vetëm drejtimi i telekomanduar nga kryeministri i shumicës parlamentare. Së dyti, Partia e Lirisë qëndron e vendosur për të rivendosur të drejtat kushtetuese të opozitës dhe në mënyrë të veçantë sa i takon komisioneve hetimore, sa i takon përfaqësimit të duhur të opozitës në komisionin e reformës zgjedhore dhe jo ato që komandohen nga kryeministri dhe së treti sa i takon zhbllokimit të të gjitha iniciativave ligjore që bllokohen nga mazhoranca. Të gjitha këto janë thelbësore për të kthyer Parlamentin në normalitet dhe Partia e Lirisë është e vendosur dhe qëndron së bashku me kolegët e opozitës.
Zjarri në Drenovë vijon ende të jetë aktiv, zjarrfikësit ‘në luftë’ me flakët
Zjarri në fshatin Drenovë të Mallakastrës, i cili ishte aktivizuar mbrëmjen e së dielës, është riaktivizuar sërish këtë të hënë....
