Policia ka zhvilluar një aksion të befasishëm në Shkodër gjatë orëve të para të mëngjesit, i cili dyshohet se lidhet me masakrën e Dobraçit.
RENEA kanë bastisur banesën e Safet Bajrit, me qëllim shoqërimin e tij për t’u marrë në pyetje.
Deri më tani, nuk ka informacion zyrtar nëse janë arrestuar apo shoqëruar persona të tjerë në lidhje me këtë operacion. Masakra e Dobraçit ndodhi më 30 tetor, kur një automjet bllokoi rrugën e një makine tip “Mercedes” dhe mbi të u qëllua me breshëri automatiku.
Nga atentati humbën jetën Hamza Lici, i cili u vra në vend, Arlind Bushati që ndërroi jetë në spital, si dhe kalimtarja Flutura Basha. Ndërkohë, bashkëshorti i saj, Bashkim Basha, i cili po udhëtonte me të në motor, ndërroi jetë pesë ditë më vonë.
Hamza Lici, që ndodhej në timon, humbi kontrollin e makinës pas sulmit, duke përplasur motorin e çiftit Basha, çka solli pasoja fatale për ta.
