Policia e Tiranës ditën e sotme ka arritur të identifikoj dhe ndaloj një drejtues mjeti i cili pak ditë më parë ishte përfshirë në një aksident të dyfishte dhe më pas ishte larguar nga vendngjarja.
Kujtojmë se ngjarja ndodhi më datë 19.06.2021, në rrugën Vorë-Tiranë, tek mbikalimi i Casa-Italias. Sipas policisë 22-vjeçari me inicialet J.L., aksidentoi dhe më pas u largua nga vendi i ngjarjes, automjetin me drejtues shtetasin me inicialet N.R., dhe për pasojë është përplasur edhe me një tjetër mjet, që drejtohej nga shtetasi me inicialet D. P.
Teksa akuzohet për ikje nga vendi i ngjarjes dhe mosdhënie e ndihmës së parë për të dëmtuarit, i riu i akuzuar dyshohet se ka ndërhyrë për të riparuar automjetin e dëmtuar si pasojë e aksidentit rrugor, me qëllim fshehjen e gjurmëve të aksidentit.
Njoftimi i Policisë
Në vijim të veprimeve hetimore, për zbardhjen dhe dokumentimin e plotë të aksidentit rrugor i ndodhur me datë 19.06.2021, në rrugën Interurbane kryesore Vorë-Tiranë, tek mbikalimi i Casa-Italias, ku një drejtues automjeti i paidentifikuar aksidentoi duke u larguar nga vendngjarja automjetin me drejtues shtetasin N. R., dhe për pasojë automjeti ka përplasur edhe automjetin tjeter me drejtues shtetasin D. P. Specialistët e Komisariatit Rajonal te Policise Rrugore Tirane në bashkëpunim me Komisariatin e Policisë Nr.3 dhe Komisariatin e Policisë Nr.6, bënë të mundur identifikimin dhe ndalimin me iniciative të drejtuesit të automjetit që u largua nga vendi i aksidentit shtetasi me iniciale J. L., 22 vjeç.
Ky shtetas, dyshohet se me datë 19.06.2020, duke drejtuar automjetin e tij në rrugën Interurbane kryesore Vorë-Tiranë, tek mbikalimi i Casa-Italias, ka aksidentuar dy automjete në levizje dhe më pas është larguar nga vendi i aksidentit pa u dhënë ndihmën e parë të demtuarve. Gjithashtu ky shtetas dyshohet se ka ndërhyrë për të riparuar automjetin e dëmtuar si pasojë e aksidentit rrugor, me qëllim fshehjen e gjurmëve të aksidentit.
Materialet u referuan në Prokurorinë pranë Gjykatës së Shkallës së Parë Tiranë, për veprat penale “Shkelja e rregullave të qarkullimit rrugor”, “Largimi nga vendi i aksidentit” si dhe “Veprime që pengojnë zbulimin e së vertetës”.
