Policia Rrugore e Tiranës ka arrestuar 41-vjeçarin Ekerem Skureni, drejtuesin e automjetit që përplasi tre fëmijë të mitur, të cilët po lëviznin me monopatina në bulevardin “Dëshmorët e Kombit”.
Ai akuzohet për shkelje të rregullave të qarkullimit rrugor.
Sipas ekspertizës në vendngjarje, të miturit po kalonin rrugën me semafor të kuq dhe ishin të ndarë në dy monopatina, ndërsa automjeti ka lëvizur me semafor portokalli.
Nga përplasja, njëri prej fëmijëve, 11-vjeçari J.N., ka marrë goditje të fortë në kokë dhe ndodhet në reanimacion në Spitalin e Traumës, në gjendje të rëndë.
Dy fëmijët e tjerë, 11-vjeçari O.A. dhe 9-vjeçari E.S., janë jashtë rrezikut për jetën dhe në gjendje të qëndrueshme.
