Gjykata e Tiranës ka vendosur masën “arrest me burg”, për 19-vjeçarin, Jehon Breçanin i cili aksidentoi disa ditë më parë 24-vjeçaren Xhensila Gega , në rrugën “Xhanfize Keko”, në zonën e Kinostudios në Tiranë. Djali i ish-drejtorit të policisë, Erzen Breçani është autori i aksidentit të rëndë të ndodhur në zonën e Kinostudios, ku 24 vjeçarja ishte duke ecur në trotuar.19-vjeçari e përplasi vajzën teksa udhëtonte me shpejtësi me “Benz”-in e tij luksoz me targa AA 888 XX. Si pasoj e aksidentit 24-vjeçarja, Xhenisa Gega fatkeqësisht humbi njërën këmbë, ndërsa ndodhet ende në spital.
Sipas burimeve, masa e sigurisë Breçanit i është komunikuar në spital, për shkak të problemeve shëndetësore, që ai ka pasur nga përplasja.
Kujtojmë se disa ditë më parë në një intervistë për ABCneës, vajza ka treguar të gjithë skenën e tmerrshme që përjetoi.
Për momentin, Gega është në gjendje të stabilizuar tek spitali i Traumës, por këmbën e ka humbur në moment. 24-vjeçarja ka thënë se ka qenë duke pritur në trotuar shoqen e saj, pasi kishin planifikuar të takoheshin. Gjithashtu, konfirmohet se Xhesina Gega nuk ishte shtatzënë, ndryshe nga se u raportua në fillim.
“Mbaj mend të gjithë skenën. Po prisja një shoqe, në këtë moment shoh që më vjen një makinë. Nuk e kam humbur vetëdijen, kisha shumë dhimbje,” ka thënë Gega.
