Një aksident tragjik ka ndodhur në Vlorë, pasi një kamion është rrëzuar.
Si pasojë dyshohet se drejtuesi i kamionit ka ndërruar jetë. Ndërkohë që ende nuk dihet fati i pasagjerit që ndodhej në kamion pasi nuk është gjetur për shkak të inerteve.
Bëhet e ditur se aksident i rëndë është regjistruar ‘by pasin’ Orikum-Kaninë në Vlorë, në orën 10:40. Mësohet se kamioni i përket kompanisë që ka fituar tenderin për ndërtimin e këtij aksi rrugor. Për momentin nuk dihen ende identitetet e personave që ishin në mjet, gjatë momentit të aksidentit tragjik.
“Më datë 16.05.2022, rreth orës 10:40, në bypasin Orikum-Kaninë, duke punuar, është rrezuar një kamion, ku dyshohet se drejtuesi kamionit ka ndërruar jetë, ndërsa pasagjeri nuk gjendet për shkak të rënieve të inerteve”, thuhet në njoftimin e policisë në lidhje me aksidentin tragjik të ndodhur ditën e sotme. Sakaq grupi hetimor ndodhet në vendngjarje dhe po punon për zbardhjen e plotë të rrethanave të ngjarjes.
Njoftimi i policisë:
Vlorë/Informacion paraprak
Më datë 16.05.2022, rreth orës 10:40, në bypasin Orikum-Kaninë, duke punuar, është rrezuar një kamion, ku dyshohet se drejtuesi kamionit ka ndërruar jetë, ndërsa pasagjeri nuk gjendet për shkak të rënieve të inerteve.
Grupi hetimor ndodhet në vendngjarje dhe po punon për zbardhjen e plotë të rrethanave të ngjarjes.
