Një aksident tragjik ndodhi mëngjesin e sotëm në Slavonksi Brod në Kroaci, ku humbën jetën 10 person dhe mbetën të plagosur mbi 40 të tjerë. Disa orë pas aksidentit tragjik, kanë folur për mediat kosovare dy prej të mbijetuarve. Në një prononcim për mediat ata kanë përshkruar momentin e tmerrit që kanë përjetuar.
“Ka ndodh brenda një minute. Vetëm kemi parë se është rrëzuar autobusi. Kemi parë kiamet. Shoferët kanë qenë në gjumë. Ata janë ndërruar kohë pas kohe”, është shprehur një prej të mbijetuarve.
Ndërs një person tjetër është shprehur se gjendja e të plagosurve në aksidentin e rëndë është e qëndrueshme.
“Autobusi ka shkuar zvarrë diku rreth 100 metra. Të lënduarit janë më mirë” – tha ai.
Sjellim në vëmendje se drejt Kroacisë është nisur edhe kryeministri i Kosovës, Albin Kurti dhe disa ministra të kabinetit qeveritar. Aksidenti tragjik ndodhi në orët e para të mëngjesit të ditës së sotme dhe iu mori jetën 10 personave, ndërsa mbi 40 të tjerë janë plagosur. Mes të plagosurve mësohet se ka pasur edhe fëmijë. Gjithashtu 15 prej tyre janë në gjendje më të rëndë shëndetësore, por aktualisht janë nën kujdesin e mjekëve. Ngjarja e rëndë ka ndodhur rreth orës 6:00 të mëngjesit, sipas asaj që raportojnë mediat kroate, ndërsa autobusi ishte nisur nga Frankfurti për në Prishtinë. Brenda tij ndodheshin në total 60 persona. Numri i viktimave u konfirmua edhe nga ambasada e Kosovës në Zagreb.
