Kryeministri i Kosovës, Albin Kurti arriti në Slavonski Brod rreth orës 20:00 dhe së bashku me Kryeministrin Andrej Plenković, ka shkuar për të vizituar udhëtarët e plagosur në aksidentin e tmerrshëm që la pas 10 viktima. Pasi mbaroi vizitën në spital, Kurti dhe Plenković dolën në një deklaratë për mediat.
Kryeministri Albin Kurti, shprehu ngushëllimet për familjet e viktimave dhe u uroi shërim të shpejtë të plagosurve.
“Kjo është një ditë e vështirë për njerëzit tanë.I vizitova pacientët në dhomat e spitalit. Falënderoj profesionistët shëndetësorë për kujdesin e treguar dhe angazhimin e pakursyer. Qindra mijëra qytetarë të vendit tonë kthehen për pushime në vendlindje. Shteti dhe mirëqenia jonë, ajo çfarë e kemi, varet shumë prej tyre, prandaj kjo tragjedi është tepër e rëndë për ne”, tha ndër të tjera Albin Kurti.”-tha Kryeministri Kurti dhe falënderoi të gjithë në Kroaci që u kujdesën për viktimat.
Ndërsa krryeministri kroat i shprehu ngushëllimet familjeve të viktimave.
“Unë dua të shpreh ngushëllimet e mia në emër të Qeverisë dhe popullit Kroat për të gjitha familjet e viktimave të aksidentit pranë Slavonski Brod, në të cilën humbën 10 jetë,”- tha Andrej Plenković.
Kujtojmë se nga aksidenti mbetën të vdekur 10 persona, ndërsa 45 të tjerë janë plagosur. Autobusi me targa Kosove ishte nisur nga Frankfurti i Gjermanisë për në Kosovë, mirëpo përgjumja e drejtuesit bëri që mjeti të dilte nga rruga dhe të rrëshqiste për më shumë se 100 metra. Gjithashtu shoferi i autobusit është arrestuar.
