Aksidentet nuk kanë fund në minierën e Bulqizës, teksa ditën e sotme ka ndodhur i radhës. Në një minatori është plagosur rëndë në mesditën e sotme në një prej galerive të minierës pasi duke punuar është goditur nga gurë. Mësohet se minatori që është plagosur është Agron Gjeta, 55 vjeç. Ai është dërguar me urgjencë drejt Tiranës, pasi në Bulqizë ka mungesë të specialistëve për të kryer ndërhyrjen kirurgjikale. Minatori që shtë plagosur është në gjendej të rëndë shëndetësore, ndërkohë që ngjarja mund të ketë ndodhur për shkak të mungesës së kushteve të sigurisë në punë.
Vetëm pak ditë më parë një tjetër minatory ndërroi jetë pasi u aksidentua në një nga galeritë private të minierës së Bulqizës. Fiqiri karaj u aksidentua në vendin e punës, ku një masiv kromi u shkëput duke e zënë poshtë. Ai punonte prej disa vitesh në minierën e kromit në Bulqizë, pasi në vitin 2014 ishte kthyer nga emigracioni. Familjarët e tij treguan se ai kishte dy muaj pa marrë pagën.
Kushtet e vështira të punës, mungesa e sigurisë dhe fshehja e përgjegëjsisë në raste aksidentesh vazhdojnë të bëhen shkak për të tjera aksidente në minierën e Bulqizës. Prej kohësh minatorët janë lënë në harresë dhe pavarësisht se kanë kërkuar edhe miratimin e statusit të Minatorit në një peticion me mbi 10 mijë firma, institucuionet nuk kanë reaguar.
