Presidenti amerikan Donald Trump ka reaguar pas aksidentit ajror në Uashington, ku u përfshinë një avion pasagjerësh dhe helikopteri ushtarak.
Ai ka theksuar në një deklaratë se është informuar plotësisht për situatën dhe më pak se katër orë pas përplasjes, ka postuar një mesazh në platformën e tij “Truth Social”.
“Avioni ishte në një linjë të përsosur dhe rutinë afrimi drejt aeroportit. Helikopteri po shkonte drejt në avion për një periudhë të gjatë kohore. Është natë, dritat në aeroplan po flakëronin.
Pse helikopteri nuk u ngjit apo nuk u kthye, pse kulla e kontrollit nuk i tha helikopterit se çfarë të bënte në vend që të pyeste nëse e panë aeroplanin.
Kjo është një situatë e keqe që duket se duhet të ishte parandaluar. JO MIRE!!!“.
