Një aksident i rëndë ka ndodhur në rrugën Shkodër-Velipojë rreth orës 02:45 pas mesnatës, ku dy të rinj kanë mbetur viktima. Ngjarja tragjike ka ndodhur në vendin e quajtur “Mbi Sukë”, ku si rezultat i shpejtësisë së lartë në kthesë, një mjet tip “BMW” ka dalë nga rruga dhe ka përfunduar duke u përplasur me një mur. Si pasojë e përplasjes fatale, kanë humbur jetën drejtuesi i mjetit, i riu Amarildo Preka, 23 vjeç, banues në fshatin Mali Jushit, Shkodër dhe pasagjerja 16-vjeçare në mjet, D.Priani, banuese në lagjen Perash, Shkodër
Grupi hetimor nën drejtimin e Prokurorisë është duke vijuar punën për sqarimin e plotë të rrethanave të aksidentit tragjik ku humbën jetën dy të rinjtë.
Njoftimi i plotë i Policisë së Shtetit:
Shkodër/Informacion paraprak
Me datë 31.07.2021 rreth orës 02:45, në vendin e quajtur ‘’Mbi sukë’’, në rrugën Shkodër-Velipojë, si rezultat i shpejtësisë në kthesë, një mjet tip BMW, ka dalë nga rruga duke u përplasur me një mur dhe si pasojë kanë humbur jetën, drejtuesi i mjetit, shtetasit Amarildo Preka 23 vjeç banues në fshatin Mali Jushit, Shkodër dhe pasagjerja shtetasja D. Priani 16 vjeçe banuese në lagjen Perash, Shkodër. Grupi hetimor nën drejtimin e Prokurorisë po vijon punën për sqarimin e plotë të rrethanave të aksidentit
