Një aksident i rëndë është regjistruar këtë të martë në minierën e Thekës në Martanesh. Raportohet se pas shembjes së një masivi gurësh, një minator, i identifikuar me inicialet A.P ka humbur jetën, ndërsa një tjetër, Hajdar Bala është plagosur rëndë dhe është nisur drejt Tiranës me helikopter. Policia ka mbërritur në vendin e ngjarjes dhe po punon për zbardhjen e shkaqeve të saj. Ndërkohë është ngritur një grup i posaçëm hetimor për të zbardhur rrethanat e ngjarjes që përgjaku sot nëntokën e Bulqizës.
NJOFTIMI I POLICISË:
Bulqizë /informacion paraprak. Me datë 21.05.2024, rreth orës 12.50, dyshohet se janë aksidentuar gjatë punës në një subjekt minerar në Thekën, Martanesh, shtetasi A.P., dhe H.B., të dy me detyrë vagonist në minierë. Si pasojë e plagëve të marra shtetasi A.P., ka humbur jetën, ndërsa shtetasi H.B., është transportuar në spital për ndihmë mjekësore. Policia po shoqëron personat përgjegjës për veprime të mëtejshme, dhe në përfundim të veprimeve të para hetimore, do të ketë njoftim. Grupi hetimor në drejtimin e Prokurorisë, po punon për zbardhjen e rrethanave të kësaj ngjarjeje.
