Ditën e sotme një person ka mbetur i plagosur si pasojë e një aksidenti automobilistik në Tiranë. Në njoftimin zyrtar bëhet me dije se rreth orës 13:50, te kryqëzimi “21 Dhjetori”, mjeti me drejtues S. V., ka aksidentuar motomjetin me drejtues L. B.
Për pasojë drejtuesi i motorit është dëmtuar dhe ndodhet në spital nën kujdesin e mjekëve, jashtë rrezikut për jetën. Shkaku i aksidentit nuk dihet ende, por paraprakisht dyshohet se ka qenë shpejtësia e lartë me të cilën udhëtonin mjetet.
Njoftimi i policisë:
Me datë 19.12.2021, rreth orës 13:50, te kryqëzimi “21 Dhjetori”, mjeti me drejtues shtetasin S. V., ka aksidentuar motomjetin me drejtues shtetasin L. B. Si pasojë e aksidentit shtetasi L. B., është dëmtuar dhe ndodhet në spital nën kujdesin e mjekëve, jashtë rrezikut për jetën. Grupi hetimor ndodhet në vendngjarje dhe po punon për sqarimin e rrethanave të aksidentit.
Gjithashtu një tjetër 30-vjeçar me inicialet E. Y., është vënë në pranga pasi pasi në rrugën “Aleksandri i Maqedonisë” kishte përshtatur një ambient në pronësi të tij, për ushtrimin e lojërave të fatit. Gjatë kontrollit nga shërbimet e Policisë, u gjetën dhe u sekuestruan në cilësinë e provës materiale një tavolinë pokeri me çipsa dhe letra bixhozi. Në njoftimin e Policisë Tiranë bëhet me dije se bashkë me 30-vjeçarin janë vënë në pranga edhe pesë persona të tjerë.
