Një aksident i rëndë ka ndodhur pak më parë në kryeqytet, ku një 65 vjeçar është aksidentuar në bulevardin “Bajram Curri” teksa po lëvizte me biçikletë.
Ai u përplas me makinë nga një 25-vjeçar me inicialet L.C., i cili tashmë është shoqëruar në komisariat nga Policia.
Nga ana tjetër, blutë bëjnë me dije në një njoftim për shtyp se i moshuari ndodhet në spital jashtë rrezikut për jetën.
Tiranë/Informacion paraprak
Më datë 16.05.2020, rreth orës 14:41, në bulevardin “Bajram Curri”, mjeti me drejtues shtetasin L.C., 25 vjeç, ka aksidentuar biçiklistin H.Ll, 65 vjeç, i cili ndodhet në spital, nën kujdesin e mjekëve.Drejtuesi i mjeti është shoqeruar në Komisariatin e Policisë Nr.2 për veprime të metejshme.
Grupi hetimor dhe shërbimet e Policisë ndodhen në vendngjarje dhe vijon puna për zbardhjen e rrethanave të ngjarjes.
Kujtojmë se lehtësimi i masave të marra për parandalimin e pandemisë, ka rikthyer aksidentet në vendin tonë.
INSTAT raportoi se në muajin mars u shënuan 65 aksidente rrugore nga 127 aksidente të ndodhura në muajin mars të një viti më parë, duke u ulur me 48,8 %, krahasuar me të njëjtën periudhë të një viti më parë.
Sa i përket numrit të të aksidentuarve (të vrarë dhe të plagosur) në mars u regjistruan 94 persona nga 176 që ishte një vit më parë, duke u ulur me 46,6 %, ndërsa në tremujorin e parë të vitit 2020, është 360 persona nga 483 persona, duke u ulur me 25,5 %, krahasuar me të njëjtën periudhë të vitit 2019.
LEXO: Kufizimi i qarkullimit nga Covid-19 përgjysmoi aksidentet gjatë muajit mars
