Një tjetër aksident ka ndodhur ditën e sotme në vend, këtë herë në Fushë-Krujë. Ngjarja ka ndodhur rreth orës 20:40, në vendin e quajtur Kameras dhe fatmirësisht ka qenë pa pasoja fatale. Mësohet se një mjet ende i paidentifikuar ka aksidentuar këmbësorin shtetasin B. L., rreth 68 vjeç dhe është larguar nga vendi i ngjarjes. I aksidentuari tashmë ndodhet në spital dhe është nën kujdesin e mjekëve, ndërsa detaje të mëtejshme për gjendjen e tij nuk janë bërë me dije.
Grupi hetimor po punon për zbardhjen e rrethanave të aksidentit, identifikimin dhe kapjen e drejtuesit të mjetit.
Njoftimi i plotë i policisë:
Krujë/Informacion paraprak
Më datë 06.08.2021, në orën 20:40, në Kameras, Fushë Krujë, një mjet ende i paidentifikuar ka aksidentuar këmbësorin shtetasin B. L., rreth 68 vjeç dhe është larguar nga vendngjarja. Shtetasi B. L., ndodhet në spital nën kujdesin me mjekëve.
Grupi hetimor po punon për zbardhjen e rrethanave të aksidentit, identifikimin dhe kapjen e drejtuesit të mjetit.
Kujtojmë se një tjetër aksident I rëndë ndodhi sot në autostradën Vlorë-Levan. Një grua rreth 70-vjeçe humbi jetën pasi u përplas nga një autmojet, teksa ishte duke tentuar të kalonte autostradën. Policia shoqëroi në Komisariatin e Vlorës drejtuesin e mjetit, një 64-vjeçar nga Lushnja, ndërsa trafiku në autostradë u bllokua për një farë kohe.
