Një aksident rrugor ka ndodhur ditën e sotme në aksin Levan-Pishporo.Sipas informacioneve, një makinë ka humbur drejtimin dhe ka dalë nga rruga.Si pasojë dyshohet se është plagosur rëndë një person.
Ndërkohë po ashtu, një tjetër aksident ka ndodhur në Lushnje. Një mjet tip ‘Volksvagen’ që shërbente si taxi ka dalë nga rruga në afërsi të fshatit Kashtbardhë në rrugën nacionale Lushnje-Berat. Në kthesën sapo kalon Kashtbardhën, drejtuesja e mjetit një 40-vjeçare me iniciale M.Sh ka humbur kontrollin dhe për pasojë ka dalë nga rruga.
Mjeti ka përfunduar në kanalin kullues përgjatë rrugës. Drejtuesja e mjetit është dërguar me urgjencë në spitalin e Lushnjes dhe është nën kujdesin e mjekëve, ndërkohë që për nxjerrjen e saj është dashur mbërritja e zjarrfikësve të Lushnjes.
Policia në vendngjarje po kryen dokumentimin e ngjarjes. Paraprakisht dyshohet se drejtuesja e mjetit ka humbur kontrollin për shkak të shpejtësisë me të cilën lëvizte
