Një mjet autoshkolle është përplasur me një motor disa minuta më parë. Ngjarja ka ndodhur përpara shkollës së mesme “Kristaq Capo” në Berat. Si pasojë e aksidentit, është plagosur drejtuesi i motorit, i cili është transportuar drejt Spitalit Rajonal Berat, ku fatmirësisht ndodhet nën kujdesin e mjekëve, jashtë rrezikut për jetën. Në vendngjarje kanë shkuar efektivë të policisë rrugore, që kanë kryer këqyrjen e vendit të ngjarjes, për të zbuluar shkaqet dhe dinamikën e aksidentit. Policia bën me dije se shkak për aksidentin është bërë drejtuesi i autoshkollës që ka qenë duke qarkulluar me shpejtësi dhe ka kryer një manovër të gabuar, por më e rënda është fakti që ai ka qenë në gjendje të dehur.
