Një aksident rrugor është regjistruar në aksin Shëngjin–Velipojë, ku një makinë ka dalë nga rruga pasi drejtuesja e saj, një 23-vjeçare me inicialet M.R., humbi kontrollin e mjetit.
Si pasojë e aksidentit, janë lënduar vetë shoferja dhe pasagjerja që ndodhej në automjet. Të dyja janë dërguar në spital dhe ndodhen jashtë rrezikut për jetën. Ndaj 23-vjeçares ka nisur procedim penal për shkelje të rregullave të qarkullimit rrugor.
Njoftimi i policisë:
Specialistët e Seksionit të Qarkullimit Rrugor referuan materialet në Prokurori ku nisi procedimi penal për shtetasen M. R., 23 vjeçe, banuese në Shkodër, pasi në aksin rrugor “Shëngjin-Velipojë”, duke drejtuar automjetin, ka humbur kontrollin dhe si pasojë automjeti ka dalë nga rruga. Nga aksidenti janë dëmtuar drejtuesja e automjetit dhe pasagjerja, të cilat janë jashtë rrezikut për jetën.
