Një aksident i rëndë është shënuar pak minuta më parë në kryqëzimin e Dajçit, në superstradën Lezhë-Shkodër.
Mësohet se në aksident janë përfshirë një kamion dhe një automjet i vogël dhe dyshohet se kanë mbetur të plagosur disa persona.
Raportohet se njëri prej tyre ka mbetur i bllokuar në makinë si pasojë e shtrembërimit të automjetit.
Në vendin e ngjarjes kanë shkuar forcat zjarrëfikëse për bërë të mundur nxjerrjen e tij. Ndërkohë policia ka mbërritur në vendin e ngjarjes dhe është duke punuar për zbardhjen e plotë të shkaqeve.
Kujtojmë se sot ndodhi një tjetër ngjarje e rënd në fshatin Sheq të Fierit.
Nga të dhënat e para bëhet fjalë se viktima është shtetësja Irvana Medianj, e cila u vra tragjikisht nga bashkëshorti i saj Demokrat Medinaj.
Vrasja e 28 vjeçares nga bashkëshorti u krye me thikë në prani të personave të tjerë të familjes.
Këta të fundit kanë telefonuar ambulancën, duke deklaruar se kanë një person të plagosur në shtëpi.
Kur ambulanca ka mbërritur ka gjetur gruan 28 vjeçare Irvana Medinaj të shtrirë në tokë me plagë dhe të pajetë.
Kanë qenë pjesëtarë të stafit të spitalit ata që kanë njoftuar policinë e Fierit.
Mësohet se menjëherë pas krimit, autori i vrasjes, 29 vjeç, është larguar nga banesa. Gjithashtu në qytet janë ngritur disa pika kontrolli për kafjen e tij.
