Një aksident ka ndodhur sot në aksin rrugor Korçë-Pogradec ku një 48-vjeçar dyshohet se ka humbur kontrollin mbi drejtimin e automjetit dhe ka dalë nga rruga. Si pasojë ka mbetur i plagosur shoferi dhe pasagjerja të cilët janë transportuar në spitalin e Pogradecit dhe ndodhen jashtë rrezikut për jetën.
“Rreth orës 13:15, në aksin “Korçë-Pogradec”, shtetasi A. Gj., 48 vjeç, duke drejtuar automjetin tip “BMW”, dyshohet se ka humbur kontrollin mbi drejtimin e tij dhe si pasojë automjeti ka dalë nga rruga. Nga aksidenti janë dëmtuar shtetasi A. Gj. dhe pasagjerja në automjet, shtetasja J. Gj., të cilët po marrin mjekim në spitalin e Pogradecit dhe janë jashtë rrezikut për jetën”, informoi sot policia.
Grupi hetimor po punon për sqarimin e rrethanave të aksidentit.
