Një aksident tragjik ka ndodhur në aksin Fier- Lushnje, ku një ambulancë, që po transportonte një pacient drejt Tiranës ka dalë nga rruga.
Aksidenti ka ndodhur saktësisht në fshatin Krutje, teksa ka ndërruar jetë pacienti, shtetasi Medi Marku, 62 vjeç, nga Saranda.
Nga ana tjetër është dëmtuar drejtuesi i ambulancës, shtetasi N.H, 55 vjeç, si edhe infermerja por aktualisht ndodhen në spitalin e Lushnjes nën kujdesin e mjekëve dhe jashtë rrezikut për jetën.
Shkak i aksidentit është bërë ambulanca që tentoi të parakalojë një automjet dhe më pas u përplas me barrierat metalike duke u rrokullisur disa herë.
Grupi hetimor ndodhet në vendngjarje dhe po punon për zbardhjen e plotë të rrethanave të kësaj ngjarje.
NJOFTIMI NGA POLICIA
LushnjeInformacion paraprak
Sot rreth orës 17:50, në aksin rrugor Fier-Lushnje, në afërsi të fshatit Krutje, një ambulancë që po transportonte një pacient drejt Tiranës, ka dalë nga rruga.
Si pasojë ka ndërruar jetë pacienti, shtetasi M.M, 62 vjeç, dhe është dëmtuar drejtuesi i ambulancës, shtetasi N.H, 55 vjeç, banues në Sarandë, i cili ndodhet në spitalin e Lushnjes nën kujdesin e mjekëve.
Grupi hetimor ndodhet në vendngjarje dhe po punon për zbardhjen e plotë të rrethanave të kësaj ngjarje.
