Pasditen e sotme është regjistruar një aksident i rëndë në aksin nacional Pogradec-Qafë Thanë në afërsi të fshatit Hudënisht. Sipas informacioneve paraprake në aksident janë përfshirë 3 mjete, një prej tyre furgon, ndërsa kanë mbetur të plagosur 7 persona, dy prej të cilëve në gjendje të rëndë shëndetësore. Emrat e të plagosurve janë: Rudolf Hysenllari, Kristi Bice, Fatmir Muhaj, Nafize Hatroçi, Mynyr Hatroçi, Klodiana Hatroçi.
Shkak i aksidentit dyshohet të kenë qenë një parakalim i gabuar i njërit prej mjeteve si edhe shpejtësia e lartë ku për shkak të rreshjeve ka sjellë edhe humbjen e kontrollit të mjetit xhip. Ndërkohë që, grupi hetimor në vendngjarje po kryen veprimet procedurale dhe po punon për përcaktimin e shkaqeve të aksidentit. Aksi Pogradec – Lin në është tepër problematik në kohë reshjesh, pasi shumë aksidente janë shkaktuar në këtë aks, ndërsa drejtuesit e mjeteve ecin me shpejtësi tej normave të lejuara.
Njoftimi i policisë:
Pogradec/Informacion paraprak
Më datë 01.04.2023, rreth orës 14:30, në aksin rrugor Pogradec-Qafë Thanë, në afërsi të fshatit Pojskë, janë përplasur 3 automjete, konkretisht automjeti furgon tip “Benz”, me automjetin tip “Opel” me drejtues shtetasin A. Y. dhe automjetin tip “Toyota” me drejtues shtetasin M. P.
Si pasojë e përplasjes, aktualisht janë dërguar në spital për ndihmë mjekësore 6 shtetas, ku 2 prej tyre ndodhen në gjendje të rëndë shëndetësore. Grupi hetimor në vendngjarje po kryhen veprimet procedurale dhe po punon për përcaktimin e shkaqeve të aksidentit.
