Policia ka reaguar zyrtarisht në lidhje me aksidentin me vdekje në Mamurras, ku humbi jetën një 70-vjeçar.
Policia bën me dije se ka shoqëruar në komisariat drejtuesin e mjetit i cili përplasi për vdekje 70-vjeçarin, Pjetër Përkeqi, i cili po drejtonte një motor.
Krujë/Informacion paraprak
Më datë 19.01.2021, në orën 19:20, tek kryqëzimi i Mamurrasit, shtetasi P. P., duke drejtuar një motoçikletë është përplasur me një mjet me drejtues shtetasin A. A., e për pasojë drejtuesi i motoçikletës shtetasi P. P., ka ndërruar jetë.
Drejtuesi i mjetit shtetasi A. A., është shoqëruar në ambjentet e Policisë për veprime të mëtejshme.
Grupi hetimor ndodhet në vendngjarje dhe po punon për zbardhjen e rrethanave të ngjarjes.
Një tjetër aksident i rëndë ishte shënuar ditën e sotme në Shkodër ku një makinë përplasi për vdekje një 68-vjeçar.
Ky është aksidenti i dytë që ndodh brenda ditës ku makina përplas motorçikletë dhe fatkeqsisht të dy rastet ishin fatale.
Në rastin e parë akoma nuk jemi në dijeni nëse autori është vënë në pranda apo është i lirë, pasi policia nuk e njoftoi qartësisht një informacion të tillë. Aksidentet në vend gjatë kohëve të fundit kanë qenë të shumta.
Para pak ditësh ndërruan jetë 4 persona të të njëjtës familje pasi u përplasën me një kamion.
