Një aksident i rëndë ka ndodhur mëngjesin e sotëm rreth orës 05:30 në aksin rrugor “Tepelenë-Fier,” ku një automjet tip autobot është përplasur me një makinë “Ford.”
Si pasojë e përplasjes, drejtuesi i makinës “Ford,” shtetasi V. A., dhe bashkëshortja e tij, M. A., kanë humbur jetën në vendngjarje.
Drejtuesi i autobotit, shtetasi S. A., dhe pasagjerja në këtë automjet, shtetasja A. A., janë dërguar në spital për ndihmë mjekësore dhe janë jashtë rrezikut për jetën. Grupi hetimor ka mbërritur në vendngjarje dhe është duke punuar për zbardhjen e plotë të rrethanave të këtij aksidenti tragjik.
