Një aksident i rëndë ka ndodhur gjatë pasdites së sotme në fshatin Dragot, në territorin e bashkisë së Belshit.
Burime nga vendngjarja raportojnë se aksidenti ndodhi në aksin Belsh-Kuçovë, në fshatin Dragot.
Sipas këtyre burimeve, automjeti me drejtues shtetasin Henric Xherimeja, 21 vjeç, ka humbur kontrollin dhe ka dalë nga rruga.
Në mjet ndodheshin edhe pasagjerët Saimir Kamberaj dhe Paula Mema.
Mema ka pësuar dëmtime të rënda në kokë dhe është transportuar me urgjencë fillimisht në spitalin e Beratit dhe më pas në Spitalin e Traumës në Tiranë.
Ndërkohë, dy të plagosurit e tjerë po mjekohen në Spitalin e Beratit dhe ndodhen jashtë rrezikut për jetën.
