Ajola Xoxa, bashkëshortja e kryebashkiakut Erion Veliaj, u paraqit këtë të premte për të respektuar masën e “detyrimit të paraqitjes” të vendosur nga GJKKO në seancën e mëparshme.
Fillimisht, ndaj saj ishte caktuar masa e arrestit në shtëpi për akuzat që përfshijnë korrupsionin në nëntë raste, pastrimin e parave dhe fshehjen e pasurisë.
Megjithatë, në seancën e 12 shkurtit, GJKKO vendosi të lehtësojë masën duke e ndryshuar atë në “detyrim paraqitjeje” dhe duke i ndaluar largimin jashtë vendit.
